Submissions

Login or Register to make a submission.

Submission Preparation Checklist

As part of the submission process, authors are required to check off their submission's compliance with all of the following items, and submissions may be returned to authors that do not adhere to these guidelines.
  • Այս աշխատանքը անցյալում տպագրված չի եղել: Այն նաև ներկայացված չի եղել այլ պարբերականում հրապարակվելու համար (կամ էլ տալ բացատրություն «Մեկնաբանություններ խմբագրին» դաշտում):
  • Նյութը պարունակող ֆայլը ներկայացված է OpenOffice, Microsoft Word կամ RTF ֆորմատով:
  • Հղումների համար նշված են համացանցային հասցեները (DOI կամ URL), որտեղ դա հնարավոր է:
  • Տեքստը համապատասխանում է ոճական և մատենագրական պահանջներին՝ նկարագրված «Հեղինակների ուղեցույցում»:

Author Guidelines

 Հոդվածները պետք է կազմեն մինչև 16 էջ Microsoft Word-ով՝ պարունակելով հետևյալ տեղեկատվությունը`

  • հոդվածի սկզբում դրվում է վերնագիրը (գլխատառերով)
  • հաջորդ տողում՝ հեղինակի անուն-ազգանունը (գլխատառերով)
  • հոդվածի վերջում նշվում են հեղինակի գիտական աստիճանն ու կոչումը, աշխատանքի վայրը, պաշտոնը, հեռախոսահամարը և էլեկտրոնային փոստի անվանումը (հեռախոսահամարը և էլ. փոստի անվանումը տպագրվում են հեղինակի համաձայնությամբ)
  • տեքստի լուսանցքները, վերև՝ 25 մմ, ներքև՝ 25 մմ, աջ՝ 25 մմ, ձախ՝ 20 մմ
  • հայերեն շարվածքի տառատեսակը՝ Sylfaen
  • անգլերեն շարվածքի տառատեսակը՝ Times New Roman
  • ռուսերեն շարվածքի տառատեսակը՝ Times New Roman
  • հիմնական տառաչափը՝ 11, միջտողային ինտերվալը՝ 1.5, գրաֆիկների և աղյուսակների լայնությունը՝ մինչև 125 մմ
  • հղումները տրվում են տողատակում՝ աճման կարգով, տառաչափը՝ 10, նշվում է աղբյուրի հեղինակը(թավ), վերնագիրը, հատորը, հրատարակության տեղը, տարեթիվը (մամուլի դեպքում` նաև համարը) և էջը
  • հոդվածը կարող է ներկայացվել հայերեն, անգլերեն կամ ռուսերեն, այն պետք է ունենա երեք լեզուներով ամփոփումներ /առնվազն 150 բառ/ և մինչև 10 բանալի բառեր
  • մերժված հոդվածը չի վերադարձվում
  • խմբագրությունը կարող է տպագրված հոդվածները զետեղել հայաստանյան և արտերկրյա էլեկտրոնային շտեմարաններում և համացանցային կայքերում առանց օգտագործման իրավունքի սահմանափակման:

ԱՄՓՈՓՄԱՆ ՊԱՀԱՆՋՆԵՐԸ

Ամփոփումը պետք է հստակ պատկերացում տա, թե ինչի մասին է հոդվածը: Հաջողված ամփոփումը սովորաբար պարունակում է՝

  • արդիականության և հետազոտվող խնդիրների հստակ ձևակերպում,
  • տվյալների և մեթոդ(ներ)ի հակիրճ նկարագրություն,
  • ստացված հիմնական տվյալների բացատրություն (կամ փաստարկներ, եթե աշխատանքը զուտ տեսական է):

 ԾԱՆՈԹԱԳՐՈՒԹՅՈՒՆՆԵՐ, ՀՂՈՒՄՆԵՐ ԵՎ ԳՐԱՖԻԿԱԿԱՆ ՏՎՅԱԼՆԵՐ

Ծանոթագրությունները պետք է ներկայացվեն տվյալ էջի ներքևում՝ տողատակում: Բոլոր հապավումները պետք է բացվեն:

Բոլոր աղյուսակներն ու պատկերները պետք է պատրաստվեն այնպես, որ բացվեն Microsoft Word և/կամ Excel ստանդարտ ծրագրային ապահովմամբ: Այլ կերպ՝ դրանք պետք է ճանաչելի լինեն (տպագրության համար ապահովեն հիմնավոր սահմանում) և նախընտրելի է, որ լինեն սև ու սպիտակ (կամ մոխրագույն երանգներով): Գրաֆիկական ֆայլերը պետք է լինեն TIF կամ JPG ձևաչափով 300dpi կետայնությամբ:

Գրքերի, մենագրությունների, հոդվածների և վիճակագրական տվյալների հղումները տեքստում պետք է տրվեն փակագծերում՝ նշելով հեղինակի ազգանունը, հրատարակման տարեթիվը, էջ(եր)ը՝ ըստ անհրաժեշտության:

Երբ հեղինակի անունը նշվում է տեքստում, հղեք հետևյալ կերպ՝ (Ավետիսյան, 2001): Երբ հղում եք անում էջին մեջբերման համար, կիրառեք հետևյալ ոճը՝ (ՄքԼուհան, 2001:91-92): Եթե աղբյուրն ունի երկու հեղինակ, երկու հեղինակի անունն էլ նշեք՝ անջատելով ստորակետով: Եթե հեղինակները երեքն են կամ ավելին, օգտագործեք «և այլք», օրինակ՝ (Գրիգորյան և այլք, 2010):

Ինստիտուցիոնալ հեղինակության համար օգտագործեք հետևյալը՝ (ՀՌԿԿ (Հետազոտական ռեսուրսների կովկասյան կենտրոն) CRRC Կովկասյան բարոմետր, 2001): Մեկ տարվա ընթացքում հեղինակի մեկից ավելի հղումները փակագծում տարանջատել հրատարակման տարեթվից առաջ տեղադրված թվեր օգտագործելով՝ (Պետերսոն 1, 2001): Փակագծերում ներառեք մինչև երեք հղում, որոնք բաժանված են կետ- ստորակետով: Բոլոր հղումները նշեք ժամանակագրական, ապա այբբենական կարգով՝ (Քելլի, 1999; Դոուլ, 2002; Բեյկեր, 2003):

Հոդվածի վերջում աղբյուրները նշեք ըստ այբբենական կարգի, իսկ նույն հեղինակի աշխատությունները` ըստ հրատարակման տարեթվի: Ընդունված հղումների օրինակները հաջորդիվ՝

 Հրատարակված գիրք ՝

Crow, G. (1997). Comparative Sociology and Social Theory. Basingstoke: Macmillan.

Խմբագրված գրքի գլուխ՝

Nielsen, K., Jessop, B., Hausner, J. (2005). Institutional Change in Post-Socialism. Strategic Choice and Path-Dependency in Post-Socialism (eds. Hausner, J., Jessop, B., Nielsen, K.). Aldershot, UK: Edward Elgar, pp. 67-83.

Հոդված գիտական հանդեսում՝

Carr, C.T., Hayes, R.A. (2015). Social Media: Defining, Developing, and Divining. Atlantic Journal of Communication, 23(1), pp. 46-65. DOI: 10.1080/15456870.2015.972282

Որևէ կազմակերպության կողմից հրատարակված աշխատանք՝

World Bank (2005). World Development Report 2005. Washington, DC: World Bank.

Ներկայացված բոլոր աշխատանքներն ի սկզբանե ուսումնասիրվում են խմբագրական կոլեգիայի կողմից: Այս փուլում աշխատանքը կարող է մերժվել մասնագիտական եզրակացությունից առաջ, եթե այն բավարար չափով որակյալ չէ, չի համապատասխանում ուղեցույցի և հանդեսի պահանջներին: Սա կօգնի  արագ որոշելու ներկայացված աշխատանքի անհամապատասխանությունը տպագրության պահանջներին և իրազեկելու հեղինակներին այդ մասին: Այն աշխատանքները, որոնք անցնում են նախնական վերանայման գործընթաց, ուղարկվում են մասնագիտական եզրակացության: Գրախոսման գործընթացը «կույր» է: Հոդվածներն ընտրվում են տպագրության ըստ մասնագիտական եզրակացության, փոփոխություններ կատարելու հեղինակի պատրաստակամության և խմբագրի վերջնական ընտրության: Մասնագիտական բացասական եզրակացություն ստացած հոդվածները մերժվում են:

Ինքնահղում. Խուսափեք կամ նվազագույնի հասցրեք Ձեզ հղում անելը: Անդրադարձեք Ձեր սեփական հղումներին երրորդ դեմքով: Օրինակ՝ գրեք «Հակոբյանը և Մովսիսյանը (2018) ցույց են տվել», ոչ թե «Մենք նախկինում ցույց ենք տվել (Հակոբյանը և Մովսիսյանը 2018)»:

Գրագողության բացառումը. հանդեսը հրատարակում է նորույթ պարունակող գիտահետազոտական ​​աշխատանքներ: Հոդվածը հանդեսին հանձնելն ինքնին ենթադրում է, որ ուսումնասիրությունը չի տպագրվել կամ չի ներկայացվել այլ հանդեսում տպագրության: Եթե ​​հեղինակներն օգտագործում են հրատարակված նյութի որևէ հատված (որևէ լեզվով), ապա նրանք պետք է պատշաճ հղումներ տան: Գրագողություն պարունակող  աշխատանքները չեն ընդունվի տպագրության:

 Հեղինակների աշխատանքների ինքնաարխիվացում. մինչև հանդեսում հրատարակելը հեղինակները պահպանում են հոդվածի բնօրինակը իրենց անձնական կայքում և այն հասանելի դարձնելու իրավունքը այն պայմանով, որ ընդունման պահից հեղինակները պատասխանատու են արխիվացված, դեռ չտպագրված նյութը DOI-ով թարմացնելու և այն հոդվածի տպագրված տարբերակին կցելու համար:

Հանդեսը հեղինակներին թույլ է տալիս օգտագործել հրատարակված հոդվածի վերջնական տարբերակը (հրատարակիչ pdf) հեղինակի անձնական կայքէջում և/կամ իր հաստատության պահոցում (շահույթ չհետապնդող սերվերում) արխիվացման համար: Հոդվածի լույսընծայումից հետո այլևս որևէ սահմանափակում չկա: Անհրաժեշտ է հաստատել հրատարակության աղբյուրը և հղումը անել պարբերականի գլխավոր էջին կամ հոդվածների DOI-ին:

Հոդվածի մշակման վճարներ. հանդեսը հեղինակներից որևէ վճար չի գանձում վերջիններիս աշխատանքների խմբագրման և հրատարակման համար:

Privacy Statement

Անունները և էլեկտրոնային փոստի հասցեները, որոնք մուտքագրվում են այս կայքում, կօգտագործվեն բացառապես հանդեսում նշված նպատակների համար և հասանելի չեն լինի այլ նպատակների համար կամ այլ անձանց ու կազմակերպություններին: