Անգլերեն “success” լեզվամշակութային հասկացույթի բովանդակությունը
DOI:
https://doi.org/10.46991/FLHE/2024.28.1.150Keywords:
«հաջողություն» հասկացույթ, լեզվամշակութային հասկացույթ, բառարանային սահմանում, իմաստային բովանդակություն, շարակարգային առանձնահատկություններ, բառակապակցություններ, հաջողության բանաձևAbstract
Տվյալ հոդվածում քննարկվում է «հասկացույթ» եզրույթի դերն ու նշանակությունը ժամանակակից լեզվաբանության մեջ: Բազմաթիվ լեզվաբաններ անդրադարձել են հասկացույթի սահմանմանը` կարևորելով ազգային մտածելակերպը, լեզվամտածողությունը, պատմական զարգացումներն ու լեզվամշակութային առանձնահատկությունները լեզվական նյութն ուսումնասիրելու և լեզվամիավորների արտահայտած բովանդակությունը բացահայտելու համար:
Հաշվի առնելով հասկացույթների ուսումնասիրության տեսական հիմքը, սույն հոդվածում քննարկվում է «հաջողություն» լեզվամշակութային հասկացույթի իմաստային բովանդակությունը` վեր հանելու «հաջողություն» երևույթի կարևորությունը իրական կյանքում: Հաջողության հասնելու և հաջողակ լինելու միտումը բնորոշ է բոլոր ժամանակներին: Հետազոտության նյութը տարբեր դարաշրջանների ամերիկացի և բրիտանացի նշանավոր անձանց կողմից ներկայացվող «հաջողություն» հասկացույթի սահմանումներն ու մեկնաբանություններն են: Հոդվածում ներկայացված են նաև հաջողության անհրաժեշտ պայմանները, հաջողության հասնելու գաղտնիքներն ու ուղիները: Ամփոփելով ուսումնասիրվող օրինակներում ներկայացվող տեսակետները, հարկ է նշել, որ «հաջողություն» լեզվամշակութային հասկացույթի իմաստաբովանդակային բնութագիրը ենթադրում է մի շարք մարդկային որակների առկայություն, ինչպիսիք են` ինքնավստահությունը, խիզախությունը, հաստատակամությունն ու հետևողականությունը, որոնք ապահովում են առաջընթաց, բարեկեցություն, համբավ և հարստություն:
«Հաջողություն» բառի բառարանային նշանակությունների և «հաջողություն» լեզվամշակութային հասկացույթի առաջարկվող սահմանումների վերլուծությունն ու իմաստային բովանդակության բացահայտումը ուղեկցվում է «հաջողություն» բառի շարակարգային առանձնահատկությունների ուսումնասիրությամբ:
Downloads
Published
Issue
Section
License
Copyright (c) 2024 Zarouhi Vartapetian
This work is licensed under a Creative Commons Attribution-NonCommercial 4.0 International License.