ՏՎՅԱԼԱՀԵՆ ՈՐՈՇՈՒՄՆԵՐԸ ԿԱԶՄԱԿԵՐՊՈՒԹՅԱՆ ԿԱՌԱՎԱՐՄԱՆ ԳՈՐԾԸՆԹԱՑՈՒՄ
DOI:
https://doi.org/10.46991/SBMP/2023.6.1.027Keywords:
Տվյալահեն որոշումներ, Մարդկային ռեսուրսների կառավարում, անձնակազմի վերլուծություն, հավաքագրում, ՄՌԿ մետրիկաներAbstract
Ներկա ժամանակներում կազմակերպության, ինչպես նաև անձնակազմի բնականոն գործունեության պահպանման և զարգացման համար կարևոր է հետևել ՄՌԿ և ՏՏ ոլորտների նորարարական զարգացումներին, ինչպես նաև կիրառել ժամանակակից մոտեցումներ անձնակազմի և կազմակերպության կառավարման գործընթացում։
Հոդվածն նպատակն է տեսական վերլուծության միջոցով ուսումնասիրել անձնակազմի վերլուծության զարգացման ուղին, վերջինիս հիմնական առանձնահատկություններն ու կիրառման հնարավորությունները անձնակազմի և կազմակերպության կառավարման գործընթացի բարելավման համատեքստում։ Անձնակազմի վերլուծությունը անձնակազմի կառավարման և կազմակերպության գործընթացների բարելավման տվյալահեն մոտեցում է, որը հնարավորություն է տալիս որոշումների կայացման հիմքում կիրառել տարբեր աղբյուրներից հավաքագրված և մշակված տվյալները, ինչպես նաև դրանց վերլուծության արդյունքները։ Հոդվածում նկարագրվում է անձնակազմի վերլուծության ուղղության ծագումն ու զարգացումը, դրանում կիրառվող տվյալների վերլուծության տեսակները, ինչպես նաև ՄՌԿ տարբեր, մասնավորապես, հավաքագրման և աշխատակիցների պահպանման գործընթացներում անձնակազմի վերլուծության կիրառման հնարավորութունները՝ ներկայացնելով մի շարք խոշոր կազմակերպությունների հաջողության օրինակները։ Անձնակազմի վերլուծության գործիքակազմի և արհեստական բանականության կիրառությունը թույլ է տալիս ոչ միայն դուրս բերել ՄՌԿ մետրիկաներ և ստանալ պատկերացում կազմակերպության ներկա վիճակի վերաբերյալ, այլև իրականացնել կանխատեսող վերլուծություններ, հասկանալ զարգացման և աճի դինամիկան ու ուղղությունը, ինչպես նաև մշակել ցանկալի նպատակին հասնելուն ուղղված ռազմավարություն։
Տեսական վերլուծության արդյունքները և նկարագրված օրինակները վկայում են մարդկային ռեսուրսների և կառավարման ոլորտում անձնակազմի վերլուծության հնարավորությունների կիրառման կարևորության մասին։ Այն թույլ է տալիս կառավարման գործընթացում կայացնել տվյալահեն որոշումներ, առավել արդյունավետ կազմակերպել աշխատանքային գործընթացը, օբյեկտիվորեն դուրս բերել ՄՌԿ ոլորտում առկա խնդիրները և դրանց վրա ազդեցություն ունեցող գործոնները՝ մշակելով դրանց հաղթահարմանն ու կազմակերպության զարգացմանն ուղղված ռազմավարություն։
References
Карпов, А. В. Психология принятия решений в профессиональной
деятельности : учебное пособие / А. В. Карпов ; Яросл. гос. ун-т им.
П. Г. Демидова. – Ярославль : ЯрГУ, 2014. – с. 6-10.
Galstyan A., Matematikakan vichakagrutyan metodnery hogebanakan
hetazotutyunnerum, Yerevan, 2015.
Ferrar J, Green D., Excellence in People Analytics, 2021, 340 p.
Isson J. P., Harriott J. S., People Analytics in the Era of Big Data. P. 91-92.
Jobs of the Future: Data Analysis Skills. SHRM, November 2016
Nocker M., Sena V., Big Data and Human Resources Management: The
Rise of Talent Analytics, Soc. Sci. 2019, 8(10), 273.
Vupen E. v., The basic principles of People Analytics, AIHR Academy, May 2019.
Waters S., Streets V., McFarlane L., Johnson-Murray R., The Practical
Guide to HR Analytics. P.144-145
Downloads
Published
How to Cite
Issue
Section
License
Copyright (c) 2023 Anahit Gevorgyan
This work is licensed under a Creative Commons Attribution-NonCommercial 4.0 International License.
