ISSN 2579-2792
About the Journal
«Կրթությունը 21-րդ դարում» գիտամեթոդական միջազգային գրախոսվող եռալեզու հանդեսը գործում է 2019թ-ից ԵՊՀ Մանկավարժության և կրթության զարգացման կենտրոնում, տարեկան երկու համար՝ պարբերականությամբ։ Հիմնադրման գաղափարը մանկ․ գիտ․ դոկտոր, պրոֆեսոր Նազիկ Հարությունյանինն է։ Հանդեսն իր շուրջն է համախմբել հարյուրից ավելի հեղինակների հայաստանյան և արտերկրի բուհերից, ինչպես նաև ձևավորել է բարձրակարգ մասնագիտական կոմպետենցիաներով խմբագրական խորհուրդ։ Հանդեսը վերածվել է արժեքավոր հարթակի , որում քննարկվում են 21-րդ դարի կրթության հիմնահարցերը։ Հանդեսի խմբագրակազմը ուշադրություն է դարձնում ժամանակակից կրթության հրատապ խնդիրների վերլուծության վերաբերյալ հոդվածներին՝ չսահմանափակելով հեղինակների մասնագիտական հետաքրքրությունների շրջանակը որևէ որոշակի ուղղությամբ: Մենք հետաքրքրված ենք ինչպես տեսական, այնպես էլ կիրառական հետազոտություններով: Մեր հանդեսի խորագրերը բազմազան են՝ Կրթության կառավարում, Մանկավարժության տեսություն, Համեմատական մանկավարժություն, Ուսուցում և դաստիարակություն, դասավանդման մեթոդիկա, հատուկ մանկավարժություն, մանկավարժության պատմություն, մանկավարժական գիտաճյուղեր և այլն։ Դրանք օգնում են դուրս բերելու կրթության ոլորտի զարգացմանը վերաբերող հարցեր, որոնք արտացոլված են գլոբալ կրթական փոփոխություններից մինչև մասնավոր փոփոխություն։ <<Կրթությունը 21-րդ դարում>> գիտամեթոդական միջազգային գրախոսվող հանդեսի որդեգրած քաղաքականության հիմնական վեկտորներն ուղղված են մանկավարժության ոլորտի զարգացմանը։
<<Կրթությունը 21-րդ դարում>> գիտամեթոդական միջազգային գրախոսվող հանդեսը իրենց հոդվածները հրավիրվում է տպագրելու ոչ միայն հայտնի գիտնականների, այլև պակաս փորձառու հետազոտողներին, ովքեր ցուցադրելով ինքնատիպ հետազոտական վարկածներ ձևակերպելով հմտություն և հետազոտական մեթոդների նորարարական կիրառում, հարթակ են ունենում երկխոսելու հանդեսում տպագրվող հայտնի գիտնականների հետ:
<<Կրթությունը 21-րդ դարում>> գիտամեթոդական միջազգային գրախոսվող հանդեսի խմբագրական խորհուրդը ձգտում է ընդլայնել հեղինակների շրջանակը՝ հրավիրելով հետազոտողներ աշխարհի տարբեր բուհերից և ընդունելով անգլերեն, ռուսերեն և հայերեն լեզուներով պատրաստված հոդվածներ:
Հանդեսն ընդգրկված է Հայաստանի բարձրագույն որակավորման հանձնաժողովի կողմից հաստատված գրախոսվող հանդեսների ցուցակում: Հրապարակված բոլոր հոդվածները տեղադրվում են Երևանի պետական համալսարանի կայքում ` բաց և ազատ մուտքով: Ձեռագրերի ներկայացումը, խմբագրակազմի կողմից դիտարկումն ու հրատարակումը հեղինակների համար անվճար է:
Խմբագրության կազմում ընդգրկված են Երևանի պետական համալսարանի ներկայացուցիչներ, ինչպես նաև Ռուսաստանի Դաշնության, ԱՄՆ-ի և ԵՄ առաջատար համալսարանների գիտնականներ: <<Կրթությունը 21-րդ դարում>> գիտամեթոդական միջազգային գրախոսվող հանդեսի գլխավոր խմբագիրն է մանկավարժական գիտությունների դոկտոր, պրոֆեսոր, ԵՊՀ Մանկավարժության և կրթության զարգացման կենտրոնի տնօրեն, Մանկավարժության ամբիոնի վարիչ Նազիկ Հարությունյանը:
